Në janar të këtij viti, Policia e Kosovës ka bastisur objektin pranë Stacionit Policor Qendra në Prishtinë, nën dyshimin se ofronte shërbime mjekësore kundërligjshëm.

Objekti në fjalë është mbyllur nga Inspektorati Shëndetësor, ndërkaq në cilësinë e të dyshuarve ishin intervistuar dy persona dhe disa të tjerë në cilësinë e dëshmitarëve.

Pas intervistimit të dyshuarve, të njëjtit janë liruar në procedurë të rregullt, derisa është hapur rast penal në drejtim të veprës penale “Ushtrimi i kundërligjshëm i veprimtarisë mjekësore ose farmaceutike”, sipas KPRK-së.

LEXO EDHE:

Bastisja afër objektit të Policisë, lirohen dy të dyshuarit

Lidhur me rastin, hetimet janë ende duke vazhduar.

Kështu thotë në një përgjigje për Arbresh.info, Prokuroria Themelore në Prishtinë.

Prokuroria ka theksuar se në këtë fazë nuk mund të japin informata të tjera për shkak të integritetit të procedurës.

“Referuar pyetjeve tuaja, ju njoftojmë se Prokuroria Themelore e Prishtinës është duke zhvilluar hetime ndaj këtij rasti, andaj në këtë fazë mund t’iu japim informata të tjera për shkak të integritetit të procedurës.”, thuhet në përgjigjen e prokurorisë.

Për bastisjen e objektit ishte deklaruar edhe ministri i Punëve të Brendshme, Xhelal Sveçla   I cili tha se objekti i takonte një Organizate Joqeveritare duke thënë se aktiviteti i tillë paraqet rrezik për sigurinë e vendit./Arbresh.info/

LEXO EDHE:

Sveçla për objektin e bastisur: Ishte i një OJQ-je, paraqet rrezik për sigurinë e vendit